Îdia: Zirara êrîşa li ser Balyozxaneya Amerîkayê gelek mezin e

RûpelNews - et Journal, bi îşaretkirina berpirsên Amerîkî, ragihand ku êrîşa bi dronê ya ku meha borî ji aliyê Îranê ve li ser Balyozxaneya Amerîkayê ya li Riyadê hatibû kirin, ji ya ku hatibû eşkerekirin zêdetir zirar daye.

Di nûçeyê de hat gotin ku di dema êrîşê de, ku li gorî agahiyan di şeva 3ê Nîsanê de pêk hatiye, dronek li deriyê balyozxaneyê ketiye û ketiye nav avahiyê, û droneke duyemîn jî piştî nêzîkî deqeyekê li heman cihî ketiye hundir da ku êrîşê bidomîne.

‘Zirareke mezin çêbû’

Li gorî agahiyên ku ji karbidestan hatine wergirtin, dronên li wan deverên ku bi roj bi sedan kes lê amade bûn û ofîsên saziyên cuda lê bûn, zirareke mezin çêkirin. Her wiha hat destnîşankirin ku qatên ku yekîneyên cuda yên girêdayî Amerîkayê lê bi cih bûbûn jî bandor dîtine.
Lêbelê, Wezareta Parastinê ya Erebistana Siûdî berê di daxuyaniyekê de ragihandibû ku êrîşê "agirê sînordar û zirara biçûk" çêkiriye. Lêbelê, di nûçeyê de hat îdiakirin ku êrîşê agirî ku nêzîkî nîv rojê dom kiriye çêkiriye û hin beşên balyozxaneyê ji kar xistine.

‘Bi tedbîran rê li be mirînan hat girtin’

Rayedaran her wiha destnîşan kirin ku ji ber êrîş di şevê de pêk hatiye, pêşî li mirinan hatiye girtin, lê eger di rojê de bûya, dikaribû bûnê qurbaniyên giran çêbibûna. Di raporê de hat gotin ku êrîş wek peyamek ji Îranê hatiye şîrovekirin ku ew dikare 'her cihekî bike armanc.

Berpirsê berê yê CIAyê Bernard Hudson, di nirxandina xwe ya êrîşê de, destnîşan kir ku çekek pêşketî karîbûye ji dûriyeke mezin bigihîje armanca xwe, û ev yek nîşan dide ku êrîşên bi vî rengî dikarin pêkan bin.