Hindistan sînorê navbera xwe û Myanmarê bi têlê digre

PeyamaKurd – Wezîrê karên hundir yê Hindistanê Amit Şah ragihand ku çawa sînorê navbera Hindistanê û Bangladeşê bi têla girtine, wê her weha sînorê navbera Hindistan û Myanmarê jî bi têlê bigrin. Dirêjahiya sînorê navbera Hindistan-Myanmarê 1643 km ye.

Heya niha xelkê sînor bê vîze dikaribûn herin Hindistanê lê niha dê Hindistan wê jî rake.

Sedema Hindistan van biryaran sitend ew e ku li Myanmarê esker li ser îdara welate û ji ber desthilata leşkeran jî, grûbên rizgarîxwaz ên Myanmarê li hemberê desthilatê şer dikin.

Grûbên çekdar gelek deveran xistine dest û ji ber şer û pevçûnan ne tenê xelkê Mynamarê her weha leşkerên Myanmarê ji ber şer direvin û diçin Hindistanê.

Hindistan jî ji bo ber li koçê bigre, weke tedbîr van biryaran daye.