Sînorê di navbera Mûş û Bedlîsê de ji nû ve hat diyarkirin
Li gorî biryarnameyeke ku ji aliyê Serokomarê Tirkiyeyê Erdogan ve hatiye îmzekirin, sînorê parêzgehê yê di navbera Mûş û Bedlîsê de ji nû ve hatiye xêzkirin û bi awayekî fermî hatiye piştrastkirin.
RûpelNews - Biryarnameya Serokomariyê ya Hejmar 11426, a bi dîroka 12ê Hezîrana 2026an, ku di Rojnivîska Fermî de hatiye weşandin, diyar dike ku biryara pêvekirî ya derbarê diyarkirina sînorê parêzgehê di navbera Şaredariya Kotnî, ya girêdayî navçeya Norşîn a Bedlîsê, û gundê Şİkeft, yê girêdayî Navçeya Derxas a Mûşê de, ketiye meriyetê.
Biryar li gorî Xala 2yemîn a Qanûna Rêveberiya Parêzgehê ya Hejmar 5442 hate girtin.
Li gorî nexşe û koordînatên ku di pêveka biryarê de cih digirin, xeta sînor hate destnîşankirin ku ji Çemê Karasu dest pê dike û di nav xalên cuda yên wekî Ayzut, Girê Dêrê, Girê Hopîkana Biçûk, Girê Gevot û Girê Pişuruk re derbas dibe.
Bi ketina vê biryarê ya meriyetê re, nezelaliyên îdarî yên derbarê xeta sînor a navborî ya di navbera Mûş û Bedlîsê de jî hatin çareserkirin. Herwiha di biryarê de tê destnîşankirin ku mafên giştî û taybet ên aliyan ên di nav sînorên aliyê din de, wekî mafê xwe parastî dihêlin.
