Hewlêr careke din bû armanca êrîşên dronan
Piştî êrîşên duh, Hewlêr di nava şevê de rastî êrîşeke nû ya dronan hat.
RûpelNews - Li gorî agahiyên ku Rûdawê bi dest xistine, çar dronên ku Hewlêr dikirin armanc, ji aliyê pergalên berevaniya esmanî ve hatin tespîtkirin û li nava hewayê hatin têkbirin.
Hat ragihandin ku teqîn di dema bêbandorkirina dronan de çêbûne.
Dîmenên ku li ser medyaya civakî hatine parvekirin û ji Rûdawê re hatine şandin, kêliya çalakbûna pergalên berevaniya esmanî yên C-RAM û têkbirina armancan nîşan didin. Di dîmenan de teqînên ku asîmana şevê ronî dikin û çalakiya gulebarana pergalên berevaniyê derdikevin pêş.
Duh her wiha cihên cuda yên Herêma Kurdistanê jî bûbûn armanca êrîşan.
