Herî zêde ji Tirkiyeyê serlêdanên Dadgeha Mafên Mirovan hatine kirin

 PeyamaKurd – Hat ragihandin ku di nav sala 2022yan de di nav welatan de herî zêde ji Tirkiyeyê serlêdan bo Dadgeha Mafên Mirovan a Ewropayê (DMME) hatine kirin.

Li gorî bîlançoya DMME ya sala 2022yan, hejmara serlêdanan gihîştiye 74 hezar 650 kesan.

Dadwerê DMMEyê yê Îrlandî Siofra O’Leary di civîneke rojnamevanî ya li Strasburgê de, eşkere kir ku sala 2021ê 70 hezar serlêdan hebûn û sala 2022yan jî ew hejmar gihîştiye 74 hezar û 650 kesan ku Tirkiye di hejmara serlêdanên şexsî de di rêza yekemîn de ye.