Hejmara mirinên bobelatê zêde bû: Termên 27 lesker û 15 sivîlan hatin dîtin

PeyamaKurd – Hat ragihandin ku hejmara mirinên bobelata lehî û hezazê ya li eyaleta Manipur a Hindistanê ku 30yê Hezîranê rû dabû,  zêde bûye gihîştiye 42 kesan.

Li gorî daxuyaniyên rayedaran, bîlançoya şemitîna axê ya piştî lehiyê li herêma çêkirina rêya hesinî ya herêma Noney a li bakurê rojhilatê Hindistanê  her diçe girantir dibe.

Rayedaran ragihandiye ku tîmên rizgarkirinê xwe gihandine cenazeyê 42 kesan ku ji wan 27 leşker û 15 jî xelkê sivîl e.

Hîn jî lêgerîna bo 20 kesên wihda dewam dike.

Hêjayî gotinê ye, barana ku ev 3 hefte ne dewam dike, ziyaneke mezin li Hindistanê û Bangladeşê bixwere anîye.