Fransa: Bikaranîna çekên kîmyewî ji aliyê Hikûmeta Sûriyê ve belgekirî ne

PeyamaKurd – Wezîrê Karûbarên Derve yê Fransayê Jean Yves Le Driyan, Hikûmeta Sûriyê bi bikaranîna çekên kîmyewî tohmetbar kir û diyar kir, bikaranîna çekên kîmyewî ji aliyê Hikûmeta Sûriyê ve belgekirî ne û kes nikare vê yekê înkar bike.

Wezîrê Karûbarên Derve yê Almanyayê Heiko Maas jî da zanîn, divê rejîma Sûriyê li ser bikaranîna çekên kîmyayî bê sizadan.

Herwiha Maas eşkere kir, li gor lêkolînekê derketiye ku Hikûmeta Sûriyê di sala 2018 de çekên kîmyewî bi kar aniye.

Rêxistina Qedexekirina Çekên Kîmyewî jî di lêkolînekê de ku raporta wê belav kiriye de destnîşan kiriye, hêzên Hikûmeta Sûriyê di sala 2018 de çekên kîmyewî bi kar aniye.