Fermandarê HSDê ji êrîseke bombeyî rizgar bû

PeyamaKurd – Fermandarê Meclîsa Leşkerî ya Dêrazorê ku bi ser Hêzên Sûriya Demokratîk (HSD) ve ye, Ehmed Xibelê bi nasnav Ebû Xewle ji hewla sûîqesteke li ser wî rizgar bû.

Li gorî ragihandina çavkaniyên xwecihî, Ebû Xewle dema ji Hesekê vedigeriya bombeyeke berî hatibû çandin bi wesayîta wê de hat teqandin.

Hat zanîn di bûyera ku li başûrê Hesekê rû daye de, Ehmed Xibel bêyî ku birîndar bibe rizgar bûye, lê hîn derbarê wê êrîşa bombeyî de daxuyaniyeke fermî nehatiye dayîn.

Sala borî jî Fermandarê Meclîsa Leşkerî ya Minbicê Şervan Derwîş rastî hewla sûîqestê hatibû û birîndar bûbû.

Li gorî zanyariyan şaneyên veşartî yên DAIŞê dijî fermandarên HSDê hewlên kuştinê pêk tînin.