Dorpêçan li aboriya Îranê xist: Bêhtirê 80 hezar proje rawestiyan

PeyamaKurd – Dorpêçên aborî yên Amerîkayê ku bi ser Îranê de sepandine, hişt ku bêhtirî 80 hezar proje nîvco bimînin.

Cîgirê Wezîrê Navxweyî yê Îranê Mehdî Cemalînejad mikur hat ku ji ber dorpêçên Amerîkayê bêhtirî 80 hezar projeyên aborî yên Îranê nîvco mane û rawestiyane.

Li gor nûçeya ISNAyê Cemalînejad diyar kir, "Li welat zêdetirî 80 hezar proje nîvco man. Dê hikûmeta pêdaçûna wan projeyan bike.”

Cemalînejad da xuyakirin ku ji bo temamkirina wan projeyan pêdiviya wan bi veberhênana kompaniyên navxweyî heye û dê projeyên dewletê bispêrin kerta taybet ku serkeftîtir e.