Dîwarê navbera Polonya û Belarûsê yê koçberan temam bû

PeyamaKurd – Dîwarê navbera welatên Belarûs û Polonyayê ku bi sedema koçber di ser Belarûsê de derbasî Polonyayê dibûn û ji wê derê derbasî welatên din yên Awrûpa dibûn, Polonyayê biryara avakirina dîwarê pola dabû ku dirêjatiya wî 186 km ye, niha temam bû. Serokwezîrê Polonyayê Mateusz Morawiecki dîwarê ser sînorê Belarûsê bi xwe ziyaret kir.

Morawiecki di axaftina xwe ya ser sînor de got ku îşareta ewilî yê şerê Rûsyayê ew bû ku serokkomarê Belarûsê Aleksandr Lukaşenko êrîşê sînorê Polonyayê kir. Morawiecki ragihand ku destpêkirina avakirina dîwar perçeyekî şerê li hemberê Rûsyayê ye, bilindahiya dîwar 5.5 metre û dirêjahiya dîwar 186 km ye.