Di navbera Amerîka û Rojava de hevdîtineke nû çêbû

PeyamaKurd- Di agahiyên ku ji qada Rêveberiya xweser a Rojava hatin ragihandin de hat diyarkirin ku di navbera Seroka Komîteya Rêvebir a Civata Suriya Demokratîk Îlham Ehmed û rayedarekî Amerîkayê de hevdîtineke nû hatiye kirin.

Li gorî agahiyên hatin parvekirin, Îlham Ehmed û Alîkarê Wezîrê ji Karên Rojavaya Nêzîk Berpirs ê ser bi Wezareta Karên Derve ya Amerîkayê Ethan Goldrich û şanda ligel wî civînek li dar xistine.

Li ser naveroka civînê hat ragihandin ku şanda Amerîkayê diyar kiriye ku ew hevkariya siyasî, leşkerî û partiyên îdarî yên li Rojava teqdîr dikin û dane zanîn ku ji bo li dijî IŞÎDê şer bikin, dê hevkariya wan dewam bike.

Hat eşkerekirin ku aliyan li ser gefên aliyên Tirk ên li ser Rojava û rewşa Suriyeyê jî dan û stendin kirine û Ethan Goldrich li gorî biryara Neteweyên Yekbûyî (NY) ya 2254an, ji bo gihîştina çareseriyekê, teşwîqê kiriye.

Her wiha hat diyarkirin ku Goldrich ragihandiye ku piştgiriya  biryardariya Rojava, di rêza pêşîn a Amerîkayê de ye.

Hat zanîn ku Îlham Ehmed jî gotiye ku pêdiviya wan bi hewilên navneteweyî heye.

Li gorî hat diyarkirin, Goldrich di hevdîtina xwe ya ligel rayedarên Departmana Karên Derve ya Rêveberiya Xweser a Rojava de daye zanîn ku wan ji bo têkoşîna li dijî terorê, planên demdirêj amade kirine û wan ji bo piştgiriya aramiya Rojava, budce veqetandiye.