Mesrûr Barzanî pêşwazî li peymana di navbera Amerîka û Îranê de dike
Serokê Hikûmeta Herêma Kurdistanê Mesrûr Barzanî, kêfxweşiya xwe derbarê îmzekirina bîranînnameya lihevkirinê ya dîrokî di navbera Dewletên Yekbûyî yên Amerîka û Komara Îslamî ya Îranê de anî ziman, ku armanca wê bidawîkirina nakokiyan û pêkanîna îstîqrara herêmî ye.
RûpelNews - Barzanî di daxuyaniyekê de li ser hesabê xwe yê fermî yê tora civakî "X" de ragihand: "Ez pêşwazî li îmzekirina peymana di navbera Dewletên Yekbûyî yên Amerîka û Îranê de dikim. Ez hêvî dikim ku ev peyman bibe destpêka qonaxeke nû ya aştî û îstîqrara li herêmê."
Helwesta Serokê Hikûmeta Herêma Kurdistanê di çarçoveya bertekên navneteweyî û herêmî yên bilez de tê, piştî ku Serokwezîrê Pakistanê ragihand ku navbeynkariya wan ji bo gihîştina bi "Bîranînnameya Îslamabadê" di navbera Waşîngton û Tehranê de serkeftî bûye. Ev peyman wekî werçerxaneke stratejîk tê dîtin ku dê bibe sedema kêmkirina rageşiyên leşkerî û aborî li Rojhilata Navîn.
