Dezge ya Xêrxwaza Barzanî li Efrînê belavkirina alîkariyê dewam dike

PeyamaKurd – Dezge ya Xêrxwaza Barzanî li Efrînê belavkirina alîkariyê dewam dike. Dezge karwaneka dinê ya alîkariya mirovî li Efrînê li gundên ku zerara wan çêbûye belav dike. Li gor ragihandina medyayê; dezge alîkariyê biriye gundên Cindirisê yên bi navên Dêwa Jor, Dêwa Jêr, Mihemediyê û Midê. Do jî alîkariyê gihandibûn Firêriyê, Kanî Gerik, Kokebê, Bozîk, kampa Bozîkê û Tilifê.

Li gor rêjeyên Oda Operasyonên Karesatê ya encumena Cindirisê 1012 kes di erdhejê de jiyana xwe ji dest dane û 1.100 xanî zererê dîne.