Dadgeha Ewropayê li ser doza zimanê Kurdî ceza da Tirkiyê

PeyamaKurd – Dadgeha Mafên Mirovan a Ewropayê (DMME) li ser serlêdana xwendekarekî zanîngehê ku li Diyarbekirê beşdarî xwepêşandana bo mafên zimanê dayikê bûbû û hatibû binçavkirin, biryar da.

Dadgeha Ewropayê li ser serlêdana xwendekarê Kurdî Hakîm Aydin a sala 2009an biryar da ku Tirkiyê benda Peymana Mafên Mirovan a Ewropayê ya 11an a mafên azadiyan û azadiya xwepêşandanan û benda 5an a ewlehiyê binpê kiriye.

Dadgehê herwiha biryar da ku Tirkiye tevî mesrefên dadgehê 7 hezar euro xirametê bide.

Xwendekarê Kurd Hakim Aydin sala 2008an bi sedema beşdarbûna xwepêşandana li ser mafên zimanê dayikê hatibû binçavkirin.