Dadgeh ceza da Gultan Kisanak û Sebahat Tuncel

PeyamaKurd- Şaredara berê ya Diyarbekirê Gültan Kışanak bi sedema ku “endama rêxistina terorê” ye û “propogandeya rêxistina terorê” kiriye, bi 14 sal û 3 meh cezayê zîndanê hat cezakirin. Hevseroka berê ya HDP ê Sebahat Tuncel jî bi 15 sal cezayê zîndanê hat cezakirin.

Di vê celseya dawiyê de Gültan Kışanak bi ereba polîsan anîn dadgehê lê Sebahat Tuncel di zîndana Kandırayê de ye û ew nehat dadgehê lê parêzerên wê li dadgehê amade bûn. Kışanak li dadgehê beyan kir ku 2 sale di zîndanê de ye û temamê celseyên dadgehê an ku 21 celse bê ku wê bînin dadgehê dewam kiriye.

Heyeta dadgehê biryara dewama zîndanîkirina wan da û wan azad nekir.