Civîna ewlekariya sînorê Tirkiye û Iraqê li Enqereyê hat lidarxistin

PeyamaKurd – Heyetek di bin serokatiya Fermandarê Hêzên Parastina Sînor ê Iraqê Orgeneral El-Saîdî de li Enqereyê bi rayedarên ewlekariya Tirkiyeyê re li ser mijara "ewlehiya sînor" hevdîtinek pêk anî.

Fermandarê Hêzên Pasevanên Sînor ê Iraqê Serleşker Mihemed Ebdulwehab Sikr El Saîdî li ser vexwendina Tirkiyê bi şandeya xwe ya leşkerî re serdana Enqerê kir.

Di çarçoveya serdanê de, bi Fermandarê Hêzên Bejayî yê Tirkiyê Orgeneral Selçuk Bayraktaroglu û rayedarên payebilind ên ewlehiyê yên Tirkiyê re civîneke rexneyî hat lidarxistin.

Rêveberê Ragihandin û Çapemeniyê yê Fermandeya Parastina Sînor a Iraqê Sererkan Heyder Kerhî diyar kir ku civîn ji bo dabînkirina ewlehiya sînorên hevpar ên di navbera her du welatan, zêdekirina parvekirina îstixbaratê û xurtkirina mekanîzmayên hevkariyê hat lidarxistin.

Civîn piştî rêze tedbîrên ku vê dawiyê ji aliyê Fermandehiya Pasevanên Sînorî yên Iraqê ve ji bo zêdekirina ewlehiya sînor hatine cîbicîkirin, pêk hat.