Bitcoin ber bi jêr ve diçe

Ethereum, ku ji aliyê nirxê bazarê ve di rêza duyemîn de ye, her wiha ji sedî 9 ji nirxê xwe winda kir û daket 1,897 dolarî.

Nirxê bazara pereyê krîpto ya cîhanî jî di 24 saetan de ji %8 zêdetir kêm bû û daket 2,23 trîlyon dolarî.

Bitcoin, ku îsal ji %24ê nirxê xwe winda kiriye, bi 65,600 dolarî di asta xwe ya herî nizm a ji Cotmeha 2024an vir ve de ye.

Bitcoin, ku di sala 2025an de rekora xwe ya herî mezin şikandibû, di Cotmehê de gihîştibû 122,000 dolarî.

Çima bihayê Bitcoinê daket?

Guherbarî di nirxên pereyên krîpto de bi gelemperî her dem bilind e.

Lêbelê, li gorî analîstên Deutsche Bankê, daketina dawî ji ber namzedkirina Kevin Warsh ji aliyê Trump ve ji bo serokatiya banka navendî ya Amerîkayê, Fed, pêk hat.

Bazaran bawer dikin ku helwesta Warsh "xurt"tir e û dikare rêjeyên faîzê ji bo demeke dirêjtir bilind bihêle.

Rêjeyên faîzê yên kêmtir bi gelemperî veberhênanê di sermiyanên wekî pereyên krîpto de zêde dikin.

Li gorî analîstên Deutsche Bankê, kêmbûna berdewam a bihayên Bitcoinê di çar mehên borî de her weha hestek neyînî ya li hember pereyên krîpto nîşan dide:

"Ev meyla firotanê ya domdar eleqeya kêm a veberhêneran a ji bo vê sermiyanê û reşbîniya li ser paşeroja pereyê krîpto nîşan dide."