Bi seroktiya Mesrur Barzanî civîneke taybet a darayî hat lidarxistin

PeyamaKurd - Bi seroktiya Serokê Hikûmeta herêma Kurdistanê Mesrur Barzanî, civîneke taybet bi qerz û pêgiriyên darayî yên herêma Kurdistanê hat lidarxistin.

Serokwezîrê Herêma Kurdistanê Mesrûr Barzanî, îro Yekşemê bi amadebûna Cîgirê Serokwezîr Qubad Talabanî û wezîrên pêwendîdar, civîneke taybet bi qerz û pêgiriyên darayî yên ser Hikûmeta herêma Kurdistanê birêve bir.

Piştî civînê hat ragihandin, di civînê de, Rêveberiya beşê Rêveber û Hemahengiya Qerzên Giştî ya ser bi Civata Wezîran ve, raporek berfireh bi bername û datayên pêwîst, derbarê qerz û pêgiriyên darayî yên li ser Hikûmeta Herêma Kurdistanê pêşkêş kir.

Di civînê de rapora ji aliyê wezaret û aliyên pêwendîdar hatibû amadekirin, hat pêşkeşkirin. Herwiha piştî danûstandin û lihevguhertina  nerînan, biryar hate standin, qerz û pêgiriyên darayî  arasteyî Dîwana Çavdêriya Darayî ya herêma Kurdistanê bikin, wekî aliyê pêwendîdar bi mebesta dûvdaçûnê, ji bo di zûtirîn demê de pêşkêşî Parlementoya Kurdistanê û raya giştî bikin.