Bi dronan êrîsî kargeha çekan a Îranê kirin: Teqîneke mezin çêbû!

PeyamaKurd – Hat ragihandin ku li bajarê Îsfahan ê Îranê di encama êrîşeke bi dronan de, li kargeheke çekan teqîneke mezin çêbûye.

Televizyona Îranê piştrast kir ku şevê din piştî êrîşeke bi dronan li kargeha leşkerî ya Îsfahanê teqîn çêbûye.

Hatiye diyarkirin ku li wê kargehê hilberîna cebilxaneyan dihat kirin. Parêzgariya Îsfahanê daye xuyakirin ku di encama teqînê de ziyanên canî çênebûne.

Herwiha Wezareta Berevaniya Îranê jî ragihandiye ku êrîş bi balafirên bêmirov ên mîkro hatiye encamdan û yek ji wan dronan jî li hewayê hatiye lêdan.

Tê gotin ku ew êrîş ji aliyê Îsraîlê ve hatiye kirin, lê heta niha ji aliyê Îsraîlê ve daxuyaniyek nehatiye dayîn.