Artêsa Sûriyê derbasî gundewarên Hesekê bû

PeyamaKurd – Di çarçoveya rêkeftina piştî êrîşên Tirkiyê ya bi HSDê re hatiye kirin, îro jî artêşa Sûriyê bi karwaneke leşkerî derbasî herêmên Cuvadiye û Malikiye yên bakurê rojhilatê parêzgeha Hesekê bû.

Li gorî ragihandina ajansa fermî ya dewleta Sûriye SANAyê, artêşa Sûriyê bicihbûna xwe ya li gundewarên parêzgeha Hesekê berdewam dike û îro derbasî herêmên Cuvadiye û Malikiyê bûye.

Doh 14ê Mijdarê hatibû ragihandin ku artêşa rejîmê li seranserê sînorê rojavayê Serêkaniyê heta bajaroka Eyn Dîwanê di xeteke 200 km ya sînor de ji nû ve bicih bûye û hêzên parastina sînoran 6 xalên leşkerî danîne.