Artêsa Sûriyê agirbesta li Herêma Îdlibê bi dawî dike

PeyamaKurd - Hikûmeta Sûriyê ragihand ku wê agirbest bi dawî kiriye. Piştî bidawîkirina agirbestê li dijî Xan Şêxûnê êrîşa esmanî hat lidarxistin.

Medya fermî ya Sûrîyê ji zarê Artêşa Sûrî da zanîn ku komên çekdar yên li Îdlibê tevî agirbestê jî êrîşên xwe yên dijî sivîlan domandine.

Artêşa Sûriyê diyar kir ku wan dest bi operasyonê kiriye û ew ê bersîva êrîşan bidin. Artêşê di daxuyanîyê da zanîn ku Tirkiyê piştgirîya bi komên çekdar domandiye û li gorî Peymana Soçiyê tevnegeriyaye.

Hêjayî gotinê ye ku Tirkiyê û Rûsyayê par li Soçiyê derbarê avakirina herêmeke ewle li Îdlibê rêkkeftibûn.