Tirkiye
Weqfa Aştiyê bangî Parlamentoya Tirkiyeyê kir
Beriya rûniştina nû ya parlamenê, Weqfa Aştiyê bang li Meclîsa Mezin a Neteweyî kir ku reformên yasayî û destûrî yên ji bo çareserkirina pirsgirêka kurd, xurtkirina siyaseta demokratîk û bidestxistina aştiyeke mayînde armanc dikin, pêşkêş bike.
RûpelNews - Di daxuyaniya Weqfê de hat tekezkirin ku divê nexşerêyek ji bo pêvajoya çareseriyê li Parlementoyê were amadekirin û pêvajo divê bi beşdariyeke berfireh a siyasî û civakî were meşandin.
Her wiha bang li Parlamentoyê hat kirin ku li gorî qanûnên pejirandî Komîsyoneke Çavdêriyê ava bike û rêxistinên civaka sivîl û pisporan tevlî pêvajoyê bike.
Di daxuyaniyê de banga azadîya derbirîna zimanên cuda, di nav de kurdî, nasname û çandan; xurtkirina hemwelatîbûna wekhev; û parastina mafên bingehîn hat kirin.