Amerîkayê hişyarî da Sûriyeyê

RûpelNews - Balyozê Amerîkayê li Enqerê û Nûnerê Taybet ê Sûriyeyê, Tom Barrack, piştî êrîşa li ser Balyozxaneya Îmaratê li Şamê, bang li hikûmeta Sûriyeyê kir ku mîsyonên dîplomatîk biparêze û pêvajoya lihevhatina herêmî bidomîne.

Duh, li ber Balyozxaneya Îmarat û mala balyozê li Sûriyeyê xwepêşandan hatin lidarxistin, û piştre êrîş li ser balyozxaneyê hat kirin. Wezareta Karên Derve ya Îmaratê bûyeran wekî "serhildan, vandalîzm û êrîş" şermezar kir.

Barrack li ser hesabê xweyê Xê bertek da û wiha got:

"Hevkariya Amerîka-Îmarat ji bo Rojhilata Navîn di hemû waran de pir girîng e... Vegera wêrek a Sûriyeyê bi herêmê re xaleke werçerxê ya biryardar e ku hêjayî parastinê ye. Em bang li Şamê dikin ku hemû mîsyonên xwe yên dîplomatîk biparêze û hewldanên xwe yên lihevhatinê yên wêrek bidomîne."