Amerîkayê bersiva gefên Serokomarê Îranê da: Ewlehiya Îsraîlê mijareke pîroz e!

PeyamaKurd – Piştî gefên doh 18ê Nîsanê yên Serokomarê Îranê Îbrahîm Reîsî yên bo lêdana Tel Avîv û Îsraîlê, ji Amerîkayê daxuyanî hat.

Berdevkê Wezareta Derve ya Amerîkayê Ned Price di civîneke rojnamevanî de bersiva da pirsa gefên Reîsî bo Îsraîlê û got, ewlehiya Îsraîlê ji bo Amerîkayê mijareke pîroz e û Amerîka digel Îsraîl û hevpeymanên xwe li dijî Supaya Pasdarên Îranê çi pêwîst be wê bike.

Berdevkê Wezareta Derve ya Amerîkayê herwiha rejîma Îranê jî wekî “mezintirîn piştevanê terorîzma li cîhanê” bi nav kir.