Bersiva tund a Îranê li hember gefên Îsraîlê!

PeyamaKurd – Piştî êrîşa Îsraîlê li ser Balyozxaneya Îranê li Sûriyê, Wezîrê Derve yê Îranê gefa tolhildanê xwar û tekezî li ser mafê xweparastinê kir.

Piştî kuştina rêberê Pasdarên Şoreşê Mihemed Riza Zahidî di dema bombebarankirina Balyozxaneya li Şamê de, rageşiya di navbera Îran û Îsraîlê de gihîşt asta herî jor.

Îsraîlê piştî êrîşê Îrana ku amadekariya tolhildanê dikir bi gotina “Wê bersiv bê dayîn” gef lê xwar û rêveberiya Tehranê jî daxuyaniyeke tund da.

Wezîrê Derve yê Îranê Huseyîn Emîr Ebdullahiyan got ku ew tolhildana muhtemel a li dijî Îsraîlê ku Balyozxaneya wî welatî li Şamê xistiye, weke “xweparastin” dibîne.

"Parastina rewa pêwîstiyek e"

Li gor daxuyaniya nivîskî ya Wezareta Karên Derva ya Îranê, Abdullahiyan di axaftina xwe ya telefonê ya bi Wezîra Karên Derve ya Almanyayê Annalena Baerbock re banga Berlînê ya li hemberî Îsraîlê ya herî zêde rawestan qebûl nekir.

Abdullahiyan diyar kir ku yekane çareseriya pirsgirêkên heyî rawestandina êrîşên Îsraîlê yên li ser Xezzeyê ye û got, "Sedema ku hewldanên Almanyayê yên ji bo agirbesta li Xezzeyê bê encam man, divê di bêalîbûna Almanyayê ya ku ev qirkirin dewam dike de bêalî nemîne."

Abdullahiyan derbarê berteka muhtemel a welatê xwe li hember êrîşa Îsraîlê ya ser Balyozxaneya Îranê ya li Şamê de ev nirxandin kir:

Di rewşên ku Rejîma Îsraîlî bi temamî qanûnên navneteweyî, Peymana Viyenê û parêzbendiya kes û navendên dîplomatîk binpê dike, xweparastin ji bo sizakirina êrîşkar pêwîstiyek e.”