Amerîka droneka Îranê xist xwarê

03 sibat 2026 22:01

Artêşa Dewletên Yekbûyiyên Amerîkayê, (DYA) droneke Îranî ku "bi awayekî êrîşkar" nêzî keştiya hewayî ya Abraham Lincoln a li Deryaya Erebî bûbû, xist xwarê.

Nivîskar: editor2

RûpelNews- Bûyer di demekê de qewimî ku dîplomatan hewl didan danûstandinan di navbera Îran û Amerîka de saz bikin.

Ji aliye din ve Serokê DYAyê Donald Trump hişyarî da ku keştiyên şer ên Amerîkayê ber bi Îranê ve diçin û eger peymanek neyê girêdan, "tiştên xirab" dê rû bidin.

Piştî nûçeya ku dron hat xistin, bihayên petrolê ji her bermîlekê zêdetirî 1 dolarî bilind bûn.

Artêşa DYAyê ragihand ku drona Îranî ya Shahed-139 "bi niyeta nezelal" ber bi keştiya hewayî ve difiriya û ji aliyê firokeyeke şer a F-35 a Amerîkî ve hat xistin.

Berdevkê Fermandariya Navendî ya leşkeri yê Amerîkayê Kaptanê Hêzên Deryayî Tim Hawkins, got: "Balafireke şer a F-35C a ji Abraham Lincoln rabûyî, drona Îranî ji bo parastina xwe û keştiya balafirhilgir û personelên li ser wê xist."

Nûneriya Îranê ya li NYê di derbarê bûyerê ti şîrove nekirin.

Hawkins herwiha got ku di bûyerê de ti leşkerên Amerîkî û amûrên wan zirar nedîtine.