Agirbest têk çû, û çek axivîn: Amerîka û Îranê êrişî hevdu kirin
Piştî êrîşên li ser tankerên petrolê li Tengava Hurmızê, di navbera Amerika û Îranê de operasyonên leşkerî yên dualî dest pê kirin. Her du alî hev bi binpêkirina agirbestê tawanbar dikin, ji ber vê yekê alozî li herêmê careke din zêde dibe.
RûpelNews - Aloziyên di navbera Dewletên Yekbûyî yên Amerîkayê (DYA) û Îranê de piştî êrîşên li ser sê tankerên petrolê li Tengava Hurmizê careke din geş bûn. Digel ku DYA ragihand ku wê li dijî armancên leşkerî yên li Îranê êrîşên hewayî pêk anîne, Îranê jî diyar kir ku wê bi moşek û dronan li binkeyên leşkerî yên DYAyê yên li Behreyn û Kuweytê xistiye.
Daxuyaniyên dualî yên her du aliyan gumanên zêdetir derbarê paşeroja agirbesa ku meha borî hatibû îmzekirin, derxistine holê.
CENTCOMê daxuyanî da
Fermandariya Navendî ya DYAyê (CENTCOM) ragihand ku, di dema operasyoneke ku roja Sêşemê hatiye kirin de, li derdora Tengava Hurmizê zêdetirî 80 armanc – di nav de zêdetirî 60 keştiyên biçûk ên girêdayî Sûpaya Pasdarên Îranê – hatine lêdan.
CENTCOMê ragihand ku operasyon wek bersivdayîna êrîşên li dijî bazirganiya deryayî ya navneteweyî hatiye meşandin, û diyar kir ku cihên avêtina mûşekan, sîstemên parastina hewayî û navendên fermandariyê jî hatine armancgirtin. Lêbelê, derbarê cihên armancên ku hatine lêdan de ti hûrgilî nehatin dayîn.
Îran: Me êrişên tolhildanê pêk anîn
Di vê navberê de, Sûpaya Pasdarên Îranê ragihand ku wek tolhildana êrîşên Amerîkayê, wê êrîşên mûşekî û dronî birine ser binkeyên leşkerî yên Amerîkayê yên li Behreyn û Kuweytê.
Medya dewleta Îranê her wiha ragihand ku êrîş li Girava Kîş, Bandar Ebbas û herêma Sîrîkê qewimîne, û ji ber parçeyên teqemeniyan qurbanî hene.
Nakokiya agirbestê gur dibe
Wezareta Derve ya Îranê operasyonên leşkerî yên Waşîngtonê wek binpêkirina peymana lihevkirinê ya 14-xalî ya ku tê ragihandin meha borî hatiye îmzekirin, bi nav kir.
Digel ku Wezaretê diyar kir ku Tehran dê gavên pêwîst ji bo parastina berjewendiyên xwe yên neteweyî bavêje, Wezareta Xezîneyê ya DYAyê jî îstîsnaya ku beriya operasyoneke leşkerî cezayên neftê yên li ser Îranê bi awayekî demkî rakiribû, betal kir.
Îran: Waşîngton ne pabendî sozan xwe ne
Îranê ev biryar wek delîlekê wesif kir ku Waşîngton pabendî sozên xwe yên di çarçoveya peymanan de nabe.
Qeter û Erebistana Siûdî rexneyan li Îranê digirin
Qetar û Erebistana Siûdî piştrast kirin ku keştiyên tanker ên welatên wan li Tengava Hurmizê û derdora wê rastî êrîşan hatine, û Îran ji bûyeran berpirsiyar dîtin.
Berdevkê Wezareta Derve ya Qeterê, Mecîd el-Ensarî, diyar kir ku Îran ji êrîşa li ser keştiya bi navê 'Al-Rekayyat' berpirsiyar e. Wezareta Derve ya Erebistana Siûdî jî ragihand ku tankera 'Wadyan' dema di tengavê re derbas dibû, ji aliyê Îranê ve hatiye armancgirtin.
Lêbelê, Berdevkê Wezareta Derve ya Îranê Îsmaîl Bekayî, îdiayên Qeterê red kirin û diyar kir ku ew li dijî peywendiyên baş ên cîrantiyê ne. Bekayî anî ziman ku keştiyên bazirganî yên ku rêyên bi Îranê re hevrêzkirî bikar naynin an jî yên ku sîstemên xwe yên şopandina keştiyan vedimirînin, metirsiyeke ewlehiyê çêdikin.
Di vê navberê de, Operasyonên Bazirganiya Deryayî yên Brîtanyayê (UKMTO) ragihand ku roja Duşemê piştî ku objeyeke nenas li odeya motorê ya tankerekê ku di Tengava Hurmizê re derbas dibû ket, şewatek derket.
Di du bûyerên cuda de roja Sêşemê, hat ragihandin ku tankerekê tevî lêdanê rêwîtiya xwe domand, lê ya din zirareke biçûk a dît.
Manewrayên leşkerî yên dualî û tawanbariyên di navbera aliyan de fikarên ewlehiyê li Tengava Hurmizê giran dikin, di heman demê de bi baldarî tê şopandin ka gelo dê tengezariya li herêmê vegere pevçûneke nû.
