2 jinên ku xalîçe dişûştin bi awayekî trajîk jiyana xwe ji dest dan
Du jinên ku li ser terasê avahiyekê li navçeya Mezmaxor a Dîlokê xalîçe dişûştin, piştî ku elektrîk li wan girt, jiyana xwe ji dest dan.
RûpelNews - Bûyer li taxa Dumlupinarê qewimî. Li gorî agahiyan, Necla Değirmenci ya 41 salî û Aysel Balta ya 34 salî li ser terasê avahiyeke sê qatî xalîçe dişûştin ku ji ber sedemeke hîn ne diyar, elektrîk li wan xist.
Kesên derdorê ku bûyera elektrîk lêxistina jinan dîtin, rewş ji Navenda Banga Lezgîn a 112an re ragihandin. Piştî agahdarkirinê, tîmên tenduristiyê û polîsan sewqî cihê bûyerê hatin kirin.
Her du jin li cihê bûyerê destpêkê hatin dermankirin û bi ambulansê rakirin nexweşxaneyê. Lêbelê, tevî hemû destwerdanên bijîşkî, Necla Değirmenci û Aysel Balta nehatin rizgarkirin.
Lêpirsîn hat destpêkirin
Herçend sedema rastîn a bûyera ku bû sedema mirina jinan hîn nehatiye diyarkirin jî, polîsan derbarê mijarê de lêpirsîn da destpêkirin. Hewldanên ji bo tespîtkirina çavkaniya elektrîkê berdewam dikin.
