100 girtiyên Talîbanê hatin berdan

PeyamaKurd – Di çarçoveya agirbesta 3 rojên Cejna Remazanê ya di navbera Hikûmeta Afganistan û Talîbanê de, 100 girtiyên Talîbanê hatin berdan.

Li ser daxwaza Talîbanê Serokomarê Afganistanê Eşref Ganî îro Yekşemê agirbesta Talîbanê bi erênî pêşwazî kir û got, wan pêvajoya berdana 2 hezar endamên Talîbanê daye destpêkirin.

Di vê çarçoveyê de jî hikûmeta Afganîstanê îro 100 girtiyên Talîbanê berdan.

Li gorî rayedarên Afganî ji serê meha Adarê û heta niha Talîbanê 3 hezar û 800 êrîş pêk anîne û bi giştî hezar û 300 kes mirine û birîndar bûne.