YPG li dijî dorpêçê, 5 navendên Rejîma Sûriyeyê desteser kir

PeyamaKurd-Yekîneyên Parastina Gel (YPG) li Qamişlo û hin navçeyên din ên Rojavayê Kurdistanê, dest danî ser çend navendên Rejîma Sûriyeyê. YPGê ev desteserî wekî bersiva dorpêça li ser taxên Kurdan ragihand.

Dorpêça ku ji 13ê Adarê û heta niha ji aliyê Rejîma Sûriyeyê ve li ser Taxa Şêx Meqsûd a Helebê hatiye danîn, ji aliyê YPGê ve hat bersivdan. Hat ragihandin ku çekdarên Rejîma Sûriyeyê bêyî ku li ber xwe bidin, navendên xwe radestî YPGê kirine. Saziyên ku hatine desteserkirin ev in; Rêveberiya Darayî, Sendîkaya Mamosteyan, Dezgeha dexl û dan, Yekitiya Xortên Şoreşê û Navenda Rewşenbîrî û Civakî ya Perwerdehiyê.