Yekîtiya Ewropa planeke 4 xalan a rêgirtina koçberiya qaçax eskere kir...

PeyamaKurd - Komîsyona Yekîtiya Ewropayê (YE) ji bo rê li ber koçberên qaçaxî bigire planeke ji 4 xalan pêk tê ragihand.

Li gorî plana YEyê di nav tedbîran de şandina balafirên bêmirov ên li ser sînorê Tirkiye-Bûlgarîstanê û zêdekirina hebûna Frontexê jî heye.

Seroka Komîsyona Yekîtiya Ewropayê (YE) Ursula von der Leyen berî destpêkirina lûtkeya taybet a YE ya koçberiyê, planeke ji 4 xalan pêk tê pêşkêşî Parlamenta Ewropayê (PE) kir.

Von der Leyen bal kişand ser pêwîstiya zêdetir ewlekirina sînorên derve yên YE û xurtkirina hevkariya bi welatên sêyemîn re ji bo pêşîgirtina li koçberiya qaçax û behsa tedbîrên ku li ser sînorê Tirkiyê ji bo pêşîgirtina li koçberiya qaçax bê girtin kir.

 Leyen got: “Sînorê Bûlgarîstan-Tirkiyeyê bi tedbîrên wekî balafirên bêmirov (dron) û zêdekirina hebûna Ajansa Ewlekariya Sînor û Peravê ya YE mimkun e.”

 Herwiha Von der Leyen da xuyakirin ku divê YE vegerandina koçberan zêde bike û ddiyar kir, her sal li welatên YEyê nêzî 300 hezar biryarên vegerê tên girtin, lê tenê 70 hezar ji wan bicih tên.

Leyen got ku plana 4 xalan plana herî baş a bo rêgirtina koçberiyê ye û destnîşan kir ku heger ku biryara dersînorkirinê li welatekî Yekîtiya Ewropayê hatiye dayîn, divê li hemû welatên endam jî ew biryar derbas bibe.