WHO li ser nirxandina metirsiyên cûreya nû ya Koronayê dicive

PeyamaKurd – Rêxistina Tendirustiyê ya Cîhanî (WHO) li ser nirxandina metirsiyên cûreya nû ya Koronayê îro dicive.

Cûreya nû ya Covid-19ê li Başûrê Efrîqayê hatiye dîtin û tirsa wê yekê heye ku yek ji cûreyên herî xerab ên Koronayê be.

Di civînê de li ser wê yekê were axaftin ku cûreya B.1.1.529 dê bibe metirsî û nîgeranî ji bo cîhanê an wê were kontrolkirin.

Seroka Teknîkî ya WHOyê Dr. Marya Van Kirkov li ser vê mijarê da zanîn: “Em hîn tiştek li ser vê cûreya nû nizanin.”

Herwiha destnîşan kir: “Nîgeraniya me li ser wê yekê ye ku ew cûreya nû bandorê li ser karkirina vîrusê bike.”

Do roja Pêncşemê zanayên li Başûrê Efrîqayê cûreyeke nû ya Koronayê dîtin û li ser nasîna bandorên wê dixebitin.