Wezareta Tenduristiya Iraqê hisyariya pêla çarem a vîrusa Koronayê da

PeyamaKurd – Wezareta Tenduristiya Iraqê di derbarê pêla çarem a vîrusa Koronayê de hişyarî da welatiyan.

Berdevkê Wezareta Tenduristiya Iraqê Seyif Bedir, îro ji rojnamevanan re diyar kir: ‘‘Wezareta Tenduristiyê berdewam e ji bo bidestanîna derziya Koronayê û dabeşkirina wê li ser parêzgehên Iraq û Herêma Kurdistanê.

Seyf Bedir da zanîn: ‘‘Herçend pêla sêyem a vîrusa Koronayê di kontrolê de ye jî, lê hîn metirsiya pêleke din a vîrusa Koronayê li Iraqê maye.’’

Berdevkê Wezareta Tenduristiya Iraqê amaje bi wê yekê jî kir ku dikare bi wergirtina derziya vîrusa Koronayê ya hemwelatiyan ve, rêgirî li metirsiya pêla çarem a vîrusa Koronayê bê girtin.