Wezareta Darayî: Hejmara bankên Kurdistanê dihên kêmkirin

PeyamaKurd - Wezareta Darayî ya Kurdistanê ragihand, hejmara bankên hikûmetê dihên kêmkirin û sîstema karê beşek ji wan jî dibe elektronîkî.

Berpirsê teknolojîya bankan li Wezareta Darayî ya Kurdistanê, Mistefa Seîd got, hikûmetê biryar daye hejmara bankan kêm bike. Ji ber ku li Kurdistanê 97 bankên hikûmetê hene. Ev hejmar gelek zêde ye.

Mistefa Seîd her wiha got, pilana hikûmetê heye tenê 30 bankan bihêle û sîstema karê beşek ji wan jî bike elektironîk.

Wî berpirsê Wezareta Darayî li ser çarenivîsa karmendên wan bankan jî got, karmendên wan bankan dê li ser karê xwe berewam bin, yanê tu karmendek ji kar nayê derxistin.