Cîhan

Wêneyê Serok Barzanî yê di vîdyoya hilbijartinê ya Saadetê de rastî bertekan hat

19 gulan 2023 20:50
Wêneyê Serok Barzanî yê di vîdyoya hilbijartinê ya Saadetê de rastî bertekan hat

PeyamaKurd – Partiya Saadetê ku yek ji pêkhateya Hevpeymaniya Milet a Partiya Komarî ya Gel (CHP) pêşengiya wê dike, di vîdyoyeke kampanyaya hilbijartina serokomariyê de, wêneyê serdaneke salên berê ya Serok Mesûd Barzanî bo Diyarbekirê bikar anî.

Piştî belavbûna vîdyoya Partiya Saadetê ku ji bo rexnekirina Erdogan wêneyê serdaneke Serok Barzanî ligel Erdogan jî hatiye bicihkirin, gelek kesayet û welatiyên Kurdên Bakur bertekên tund nîşandan ku wêneyê serok Barzanî ji bo hilbijartinan hatiye bikaranîn.

Di vîdyoya Saadetê de, wêneyên Erdogan û gelek siyasetmedarên welatên wekî Îsraîl, Rûsya, Misir, Fethullah Gulen hin kesayetan hatine bicihkirin û siyaseta Erdogan a demkî û guhertok hatiye rexnekirin.

Lê belê tevî wan wêneyan bikaranîna wêneyê Serok Barzanî rastî nerazîbûna Kurdên Bakur hat ku ji aliyê gelek welatî û kesayetên Kurd ve li ser medya civakî bi tundî hate rexnekirin.