Wan | 43 kes bi sedema êrîsa doh hatin binçavkirin

PeyamaKurd – Piştî êrîşa çekdarî ya doh 14ê Gulanê ya bi ser wesayîteke şaredariya navçeya Qelqelî (Ozalap) a bajarê Wanê ku 2 kes hatibûn kuştin, 43 kes li navçeya Qelqeliyê di encama operasyonên polîsan de hatin binçavkirin.

Li gorî zanyariyan di operasyona ser malan de Hevserokê rêxistina HDPê yê navçeyê Burhan Atmaca û 42 kesên din hatine binçavkirin ku di nav wan de endam û rêveberên HDPê jî hene.

Di êrîşa çekdarî ya ser otomobîla şaredariyê de, karmendekî şaredariyê bi navê Yildirim Demir û kesekî bi navê Kinyaz Karalioglu hatibûn kuştin û Taner Temizer jî birîndar bûbû.

Hevserokên Giştî yên HDPê Pervîn Buldan û Mithat Sancar ew êrîşa ku PKK tê tawanbarkirin bi daxuyaniyekê şermezar kiribûn.

Li Wanê dijî tîma şaredariyê êrîşa çekdarî: 2 kesan can da

Hevserokên HDPê êrîşa Wanê şermezar kirin