Ukrayna: Hêzên Rûsî 70 km ji Kîevê hatin dûrxistin

PeyamaKurd -  Berdevkê Wezareta Berevaniya Ukraynayê Aleksander Motzuyanik ragihand ku parastina Kîevê didome û Hêzên Bijarde yên Ukraynayê vê erkê bicih tînin.

Herwiha Motzuyanik da zanîn aku hêzên Ukraynayê yekîneyên artêşa Rûsyayê bi qasî 70 kîlometreyan ji paytext Kîevê dûr xistine û li hin deveran hêzên dagirker 35 km paşve kişiyane.

Li aliyê din hatiye diyarkirin ku hêzên Ukraynayê du gundên li herêma Sumî û Zaporojiyayê jî ji bin kontrola Rûsan derxistine.

Li bajarê Irpîn ê nêzîkî Kîevê jî şer û pevçûnên dijwar dewam dikin û Şaredarê Irpînê ragihandiye ku ew êrîşên sêalî hatine pûçkirin.