Trump: Wê Netanyahû Xezeyê radestî Amerîkayê bike

PeyamaKurd – Serokê Amerîkayê Donald Trump got ku Serokwezîrê Îsraîlê Binyamîn Netanyahû plana wî ya koçberkirina filîstîniyan bo welatên cîran pejirandiye û diyar kir, wê Îsraîl Xezeyê radestî Amerîkayê bike.

Trump got, “Wê Amerîka şerîda Xezeyê dewr bistîne. Em ê bibin xwediyê wê derê. Wê filîstîniyên ku ji wir bêne derxistin, li cihên herinê jiyaneke xweştir bijîn.”

Hêjayî bibîrxistinê ye, doh di hevdîtina Trump û Netanyahû de, plana koçberkirina Filîstîniyên Xezeyê hatibû eşkere kirin û Trump diyar kiribû ku ew dixwazin Xeze bibe milkê Amerîkayê.