Trump têgeheke nû ji bo hişê çêkirî ragihand: 'Hişê Super'
Serokê Dewletên Amerîkayê (DYA) Donald Trump ragihand ku dê têgeha 'Super Intelligence' (Hişê Super ) ji bo hişê çêkirî were bikaranîn. Qesra Spî her wiha ragihand ku DYA û Çîn li hev kirine ku têgeha 'Hişê Super’ ji bo teknolojiyên têkildar bi kar bînin.
RûpelNews - Li DYAyê di termînolojiya derbarê teknolojiyên hişê çêkirî de serdemeke nû dest pê kiriye. Serokê Amerîkayê Donald Trump ragihand ku êdî dê têgeha "Hişê Super" (SI) ji bo teknolojiyên ku wekî hişê çêkirî tên zanîn were bikaranîn.
Di axaftina xwe ya li Civata Giştî ya Neteweyên Yekbûyî de, Trump diyar kir ku têgeha ku ji bo hişê çêkirî tê bikaranîn dê êdî "bi awayekî fermî" bibe "Hişê Super".
DYA û Çînê li ser heman têgehê li hev kirine
Li gorî daxuyaniyeke Koşka Spî ya di 25ê Îlonê de, Trump û Serokê Çînê Xi Jinping di danûstandinên xwe de li hev kirin ku ji bo danasîna teknolojiyên nû yên têkildar, li şûna "hişê çêkirî" têrma "Hişê Super" bi kar bînin.
Her du welatan her wiha biryar da ku "Diyaloga Super-Hişmendiyê ya DYA-Çînê" ava bikin. Diyalog dê li ser rîsk û feydeyên teknolojiyê bisekine. Hate plankirin ku civîna din heta Mijdara 2026an pêk were.
Şîrketên teknolojiyê jî peyman îmze kirine
Trump her wiha 'Peymana Hişê Super ya Qesra Spî' parve kir, ku bi rêveberên şîrketên pêşeng ên di sektora teknolojiyê de hatibû îmzekirin.
Belge diyar dike ku divê şîrket berpirsiyariyê bigirin ser xwe ji bo misogerkirina ku teknolojiyên ku ew pêş dixin bi ewlehî bixebitin, ji bo naskirina rîskan û ji bo danîna mekanîzmayên kontrolê yên pêwîst.
Daxuyaniya Qesra Spî destnîşan kir ku teknolojiyên nû dest bi bikaranîna di xizmetên giştî de dikin û ku dê têgeha "Hişê Super (SI)" di xizmetên dîjîtal ên hikûmeta federal de were bikaranîn.
