Trump: Şerê Îranê di nêzîk de bi dawî dibe
Trump got, "Me ew ji aliyê leşkerî ve bi temamî têk birine. Ez bawer dikim ku ew nêzîkî dawîbûnê ye, pir nêzîk... Eger em niha vekişin jî, dê 20 sal ji wan re lazim be ku wî welatî jinûve ava bikin û me hêj xilas nekiriye."
RûpelNews - Serokê DYAyê Donald Trump, di daxuyaniyeke nû ya îro de, got ku şer "pir nêzîkî dawiyê ye" û destnîşan kir ku rayedarên Îranê amade ne ku bigihîjin peymaneke aştiyê.
Di hevpeyvînekê de bi pêşkêşvana Fox Businessê Maria Bartiromo re, Trump got, "Me ew ji aliyê leşkerî ve bi temamî têk birine."
Trump got, "Ez bawer dikim em gelekî nêzîkî dawiyê ne, bi rastî gelekî nêzîk… Heta eger em niha vekişin jî, dê 20 sal ji wan re lazim be ku wî welatî jinûve ava bikin, û me hêj xilas nekiriye," û lê zêde kir, "Em dê bibînin ka çi diqewime, lê ez bawer dikim ew dixwazin peymanekê çêbikin û ew pir bi israr in."
'Bazara borsayê dê bilind bibe'
Şîroveyên dawî yên Trump di nav geşbîniyeke zêde de li bazarên ku digotin dibe ku çareseriyeke dîplomatîk ji bo pevçûna DYA û Îranê were dîtin, hatin, tevî têkçûna danûstandinên aştiyê yên ku dawiya hefteyê hatibûn kirin.
Trump got ku bihayên petrolê, yên ku ji ber astengiyên di dabînkirinê de bilind bûbûn, dê di demek nêz de dakevin.
Trump careke din operasyonên leşkerî yên DYAyê yên li dijî Îranê parast û got, "Divê em rê li ber wan bigirin ku tu carî çekên atomî bi dest nexin."
Trump her wiha tekez kir ku "dema şer bi dawî bibe, bazarê borsayê dê bifire, di rastiyê de, ew jixwe bilind dibe."
