Trump: Heger ne rûbirû be besdarî munezereya ligel Biden nabim!

PeyamaKurd – Serokê Amerîkayê Donald Trump ku ev zêdetirî hefteyekê ye bi vîrusa koronaya nû Covid-19 ketiye û rewşa wî ya tenduristî jî baş e, ragihand ku heger online be ew beşdarî munezereya duyem a ligel reqîbê xwe Joe Biden nabe.

Du hefte berê herdu namzedên hilbijartinên seroktiya Amerîkayê yên 3yê Mijdarê Trump û Biden bi manezereyeke taybet derketibûn pêşberî hev û bi zindî hatibû weşandin.

Tê çaverêkirin munezereya duyemîn jî beriya hilbijartinê bê kirin, lê ji ber ku Trump bi koronayê ketiye îhtimal heye ew ne rûbirû be û bi awayê online were kirin.

Trump li ser vê îhtimalê got ku heger ne rûbirû be ew beşdarî wê hevdîtina ligel Biden nabe.