Trump derbarê danûstandinên nû yên bi Îranê re axivî
Trump diyar kir ku dibe ku danûstandinên bi Îranê re "di demekê de" ji nû ve dest pê bikin, û careke din teqez kir ku Tengava Hurmuzê bi temamî di bin kontrola wan de ye.
RûpelNews - Serokê Amerîkayê Donald Trump, piştî ku cihê daketina helîkopteran ê ku niha li hewşa Qesra Spî tê çêkirin nîşanî endamên çapemeniyê da, bersiva pirsên derbarê bûyerên heyî de da.
Dema ku jê hat pirsîn ka danûstandinên bi Îranê re dê kengî ji nû ve dest pê bikin, Trump wiha bersiv da: "Dibe ku di demekê de. Lê niha, ez difikirim ku em di rewşeke baş de ne."
Trump bal kişand ser wê yekê ku hejmarek tanker berdewam in di Tengava Hurmuzê re derbas dibin û mîqdarên girîng ên petrolê bi vê rêyê tên veguhestin, û got: "Kontrola me ya tam li ser Tengava Hormuzê heye. Yanî, ji bilî bûyerên acizker ên wekî xistina balafireke bêmirov (drone) car bi car."
Her wiha Trump behsa kapasîteya çekên nukleerî yên Îranê kir û tekez kir ku ew naxwazin Tehran di bin ti şert û mercan de xwediyê çekên nukleerî be.
Trump got: "Divê ew bi temamî ji wan xelas bibin. Divê ti çekên wan ên nukleerî tune bin. Îran nikare xwediyê çekên nukleerî be."
