'Tirkiye zextan li Qeterê dike daku zêdetir pere ji bo serê Libyayê bistîne'

PeyamaKurd – Tirkiye ku li dijî welatên din ên Ereb wekî Siûdî, Îmarat û Misirê bi Qeterê re kar dike, ji bo şerê Libyayê zêdetir pere û fînansoriya ji Qeterê dixwaze.

Li gorî nûçeyeke rojnameya El-Ereb, Serokomarê Tirkiyê Recep Tayyip Erdogan bi prensê Qeterê Şêx Temîm Bin Ehmed Al Sanî re pêwendiyeke telefonî pêk aniye û piştevaniya zêdetir a aborî ji bo şerê Libyayê xwestiye.

Rojname dibêje, Tirkiye zextan li Qeterê dike daku zêdetir alîkariya aborî bo şerê Libyayê bistîne ku Enqere piştgiriyeke xurt dide milîsên hikumeta Wîfaqê li dijî Xelîfe Hefter.