Tirkiyê hêzeke komandoyan sand Sûriyê

PeyamaKurd – Hat ragihandin ku Artêşa Tirkiyê karwaneke leşkerî ya ku ji tîmên komando pêk hatibû û hejmareke zêde ya otomobîlên zirpoşî di nav de bûn ber bi Idlibê ve bi rê kir. 

Li gor agahiyan, roja pêncşemê hejmarek otomobîlên serbazî û tîmên komandoyên Artêşa Tirkiyê, ji navçeyên cuda Tirkiyê gihîştin bajarokên Kirikhan û Hassa yên ser bi Hatayê ve. 

Karwana serbazî, piştre berê xwe da Idlibê û hat zanîn ku dê li navçeyên kêmkirina şer bêne bicîkirin.

Li gorî zanyariyan dê ew hêza leşkerî li xala hejmar 10 a çavdêriyê ya Tirkiyê bên bicîkirin ku dikeve navçeya Zawîye li gundewarên Hema û başûrê Idlibê. 

Hat diyarkirin ku Tirkiye piştî ku hêzên Sûriyê êrîşên xwe bi ser wê navçeyê de zêde kirin, hêzeke nû dişîne heman herêmê.