Tirkiyê bi hinceta YPGê plana berevaniyê ya NATOyê asteng kir

PeyamaKurd – Hat ragihandin ku Tirkiyê bi hinceta NATO YPGê naxe nav lîsteya terorê, wekî endamê NATOyê li dijî plana berevaniyê ya nû li Ewropayê derket.

Tirkiyê ji bo pejirandina plana nû ya NATOyê bo berevaniya Ewropayê, hinek merc danîn ber NATOyê.

Li gorî nûçeya medya Almanî, hevpeymana NATOyê Tirkiye, bi mercê ku piştgiriyeke xurt bidin berjewendiyên netewî yên Tirkiyê plana berevaniyê pesend nekir.

Hat diyarkirin ku yek mercên Tirkiyê ew e ku ji welatên NATOyê dixwaze PYD û YPGê bixe nav lîsteya rêxistinên terorê, lê belê gelek welatên hevpeymanê vê daxwaza Tirkiyê bi germî pêşwazî nakin.