Tifaqa Netewî: Ji biharê re 48 saet mane

PeyamaKurd – Serokên Tifaqa Netewî gotin, “Em bi 561 hezar û 977 efser û dilxwazan ji bo 192 hezar û 229 sindoqan amade ne. “Ji biharê re 48 saet mane."

Serokên Partiyên Tifaqa Netew 2 roj beriya hilbijartinê li Navenda Giştî ya CHPê civiyan.

Rêveberên beşdarî civîna ku zêdeyî 2 saetan dewam kir, nîvê şevê daxuyaniyeke hevpar dan.

Danasîna rêberan wiha ye:

"Miletê delal,

Weke serokên Tifaqa Netewî 48 saet beriya biharê em hatin cem hev. Di civîna ku bi mazûvaniya Serokomarê me yê 13. Birêz Kemal Kiliçdaroglu li Navenda Giştî ya Komarê hat lidarxistin de me xebatên ku di çarçoveya kampanyayê de hatin kirin û amadekariyên ewlekariya sindoqên ku ev nêzî 1,5 sal in dewam dike nirxandin.

Em bi bawerî, îradeyeke mezin û bi dilekî aram dixwazin bibêjin ku em bi hemû xebatkarên xwe ji bo Hilbijartina Serokomariyê ya 14ê Gulana 2023an û Hilbijartina Parlamenteriyê ya Serdema 28an a ku wê biharê bîne welatê me amade ne.

Bila miletê me di aramiyê de bimîne;

Tifaqa Netewî bi 561 hezar û 977 efser û dilxwazan ji bo 192 hezar û 229 sindoqan amade ye. Wekî din, parêzerên dildar wê li her nuqteya dengdanê amade bin, di şert û mercên pêwîst de her îtîrazê bi baldarî lêkolîn bikin. Wê tu sindoq bêkar nemîne, hilbijartin bê ku kevneşopiya demokratîk a Komara Tirkiyeyê bixin siya xwe bi encam bibe.

Miletê hêja,

Tirkiye li ber serdemeke nû ye. Ev serdema nû wê bi têgihiştina kadroyên jêhatî, rêveberiya şefaf û adil were avakirin.

Hêviya me ew e ku 64 milyon û 114 hezar û 341 hilbijêrên me yên ku mafê wan ê dengdanê heye bi tevahî tevkariya demokrasiyê bikin.

Weke serokên Hevbendiya Netewî, em soza avakirina demokrasiyê li welatê xwe yê bedew didin.

Haydê Tirkiye!"