Terorîstên DAISê êrîsî HSDê kirin

PeyamaKurd – Hat ragihandin ku rêxistina terorîst DAIŞ piştî têkçûna xwe ya li Hecînê jî êrîşên xwe yên ser hêzên HSDê berdewam dike.

Rawengeha Mafên Mirovan a Sûriyê (SOHR) ragihand ku terorîstên DAIŞê ji rojhilatê Dêrazorê ve êrîşan dibin ser çeperên HSDê yên li rojhilatê Hecînê.

SOHRê daxuyakirin ku DAIŞê çeperên HSDê kirine armanc û di encama topbaranê de windahiyên HSDê jî çêbûne.

Li gor SOHRê DAIŞ dixwaze aloziyên di navbera yekîneyên HSDê de derxe û pêwendiya wan ji hêzen fermandariya giştî qut bike.

Herwiha hat diyarkirin ku ji aliyekî ve jî balafirên hevpeymaniyê êrîşên esmanî li wê herêmê bi ser DAIŞê de berdewam dikin.