Taxeke bajarê Hesekê ji aliyê Tirkiyê ve hat bombebarankirin!

PeyamaKurd – Taxeke bajarê Hesekê ji aliyê droneke artêşa Tirkiyê ve hat bombebarankirin û di encamê de hejmarek kes birîndar bûne.

Li gor zanyariyan, droneke Tirkiyê îro danê sibê taxa Mişrifiyê ya bajarê Hesekê bombebaran kir û li gorî zanyariyê destpêkê, 3 kes birîndar bûne.

 Droneke Tirkiyeyê do jî kargeheke qermîdan li bajarokê Sefiye ya ser bi Hesekê ve bombebaran kiribû û di encamê de 2 kes birîndar bûbûn.

Herwiha li gorî zanyariyan, ji destpêka îsal ve artêşa Tirkiyê 52 caran êrişên bi dronan li Rojavayê Kurdistanê û navçeyên cuda ên di bin kontrola HSDê de pêk anîne û di encamê de zêdetirî 60 kes hatine kuştin.