Tacikîstan: Rusyayê, girtiyên Tacikî sandin ser!

PeyamaKurd- Wezîrê Karên Navxweyî yê Tacikîstanê Remezan Rehîmzade ragihand ku rayedarên Rusyayê nêzîkî 100 girtiyên Tacîkî, ji girtîgehên Rusyayê şandine nav şerê Rusya û Ukraynayê.

Remezan Rahîmzade, li ser mijarê li Duşanbeyê daxuyanî da çapemeniyê û diyar kir ku nêzîkî 100 mehkûmên Tacîkî yên di girtîgehên Rusyayê de girtî bûne, şandine herêmê.

Rahîmzade di dewama agahiyên xwe de got ku rayedarên Rusyayê li ser mijarê agahî nedane û di navbera herdu welatan de li ser parvekirina daneyan lihevkirinek tuneye.

Her wiha di çapemeniya Tacikîstanê de jî nasnameyên 20 girtiyên Tacîk ên ku di şerê Rusya û Ukraynayê de hatine kuştin, hatin parvekirin.