SOHR: Di êrîsa asmanî de 4 milîsên îranî hatin kustin

PeyamaKurd - Çavdêriya Mafên Mirovan li Sûriyê (SOHR) ragihand ku doh 11ê Cotmehê êvarê êrîşeke asmanî li herêma Bûkemal a Sûriyê li ser milîsên çekdar ên Îranê hatiye kirin.

SOHRê daye zanîn, 4 endamên komên alîgirên Îranê di êrîşa asmanî ya bi balafireke bêmirov ya nenas de hatine kuştin.

Herwiha hatiye diyarkirin ku êrîş li dijî binkeyên milîsên îranî yên li herêma Bûkemal a nêzî sînorê Sûriye-Iraqê li rojhilatê Dêrazorê pêk hatiye.

SOHRê herwiha doh jî ragihandibû ku li herêma Bûkemal a nêzî sînorê Sûriye-Iraqê li gundewarê rojhilatê Dêrazorê, li herêmên di bin kontrola komên alîgirên Îranê de teqînên mezin çêbûne.